أسطورة المينوتور

monster_12

بسم الله الرحمن الرحيم

أسطورة المينوتور

أسطورة المينوتور Minotaur_BoBo

مينوتور : ( مينوس + توروس ) في الإغريقية وحش نصفه كإنسان ونصفه الأخر ثور .

يعيش في المتاهة الي بناها ( ديدالوس) لـ ( مينوس ) ملك كريت .كانو يقدموا له قربان سنوي من

سبعة شباب وسبع عذارى حتي قتله ( ثيذيوس ) ابن ملك اثينا .

تذكر الاساطير الاغريقية لـ ( ديدالوس ) انه هوا أول مين حاول الطيران في التاريخ واستعمل

جناحين من شمع

وللأسف طبق هذه التجربه مع ابنه ( إيكاروس )

فتحمس ابنه لهذه الفكره وطار

وقرب من الشمس أكتر من اللازم و ذابن الجناحين وطاح ( إيكاروس ) و غرق في المحيط

كما يذكر لـ ( ديدالوس ) انه هو الي بنى ( اللابيرنث ) أو ( المتاهة ) في ( كريت )

و كريت جزيرة يونانية لمن لا يعرف

وكان بناء المتاهة هوا الحل الأمثل الذى وجده للتخلص من كارثة بيولوجية حطت على كريت

( مينوس ) ملك ( كريت ) كان عنده وحش من هذه الوحوش الشنيعة التى تزخر

بها
الاساطير الإغريقية

ولم يكن بسوء ( ميدوسا ) لكنه كان سيئ بما يكفي

كان هذا الوحش مزيج من الانسان والثور

وفي روايات تقول : ان الثور كان هوا النصف العلوي

ورواية تقول ان الثور كان هوا النصف السفلي

المهم انو كان مرعب لأقصى الحدود وكان يقتل كل من يقترب منه وبالتأكيد لم يكن يصلح لتربيته كحيوان اليف

لكن ( مينوس ) ربنا يشفيه قال ان الكائن ده ممكن ينفعه و قرر الأحتفاظ بـ ( المينوتور ) في بيته ! ودفع ثمن
هذا الاستهتار غاليا.

- أحسن يستاهل - المهم

لما زاد شر الوحش استنجد الملك بالمهندس الإغريقي العبقري ( ديدالوس )

و المهندس العبقرى ظل يفكر فى حل للمشكلة وشكله اجرى حسابات دقيقة .. و لم يتوصل لشئ يذكر فى النهاية

و فى يوم عندما ذهب لينام نظر لتشققات البياض فى للسقف نظرة بلهاء وقال : احنا هنبنى اللابيرنث

( اللابيرنث ) في الإغريقية معناه : التيه او المتاهة حنحيط هذا الوحش بممرات
معقدة ومنحنيات وشعاب متداخلة وخلي الوحش بين الممرات ليوم يبعثون عاجز عن الخروج .

واصبح هذا ( الابيرنث ) المعقد جزء من معالم ( كريت ) ويقولون ان ( اللابرينيث ) هو

اساس كل العاب المتاهات و الي واضح تطورها فى مجلة ميكى دلوقتى المهم

لكن القصة لم تنتهى والجزء السيء منها بيبدأ الان

فاز ابن ( مينوس ) ملك ( كريت ) بالالعاب الاولمبية في ( اثينا )

زعل ابن ملك ( اثينا ) وقال إزاى التيييييت ده يغلبنى وأكل الحقد قلبه فأرسل قطاع الطرق وهاجمو ابن ملك (كريت) وقتلوه وألقوا جثته

للحيوانات و الحقيقة دى كانت حكاية خيالية تييييت و مش عاوز اوصف منظر الحيوانات و هية بتاكل ال..... المهم

المصيبة أن الحكاية وصلت بالكامل ل( مينوس ) فاتجنن الراجل إزاى يعملوا كده فى ضناه واخد جيشا مهول زحف بيه على

( اثينا )

وما جا الصباح الا والاراضي مليانة بدم قتلى الإغريق

وبدأ حصار ( مينوس ) الطويل لمدينة ( اثينا ) عشان يرغم اهلها على الاستسلام وكان الحصار

مرهق المياه والطعام بدأوا يخلصوا و مش عارفين يعملوا ايه فأرسل ( ايجوس ) ملك ( اثينا ) ل( مينوس ) يعرض عليه

الصلح لكن الاب اللى بينتقم لأبنه طبعا رفض الصلح وقال ان كل اثينا ما تكفي كتعويض عن ابنه

وبعد تفكير طويل قال انه يكفيه ان يرجع بسبعة من أجمل وأقوى الفتيان .. وسبعة من أجمل العذارى

ويأخدهم معاه ل( كريت ) عشان يرميهم ل( المينوتور )

وملاقاش ملك ( أثينا ) غير انه يوافق على هذا العرض الذى سيتكرر كل سنة وإلا سيعلن ( مينوس ) فهيا الحرب

ورجع الكريتيون لجزيرتهم حاملين لوحشهم صيد يكفيه لمدة عام
ومرت السنين
وأهل ( اثينا ) يدفعو الفدية وهما مستسلمين حتي ظهر ( ثيذيوس ) و ( ثيذيوس ) بالمناسبة هوا

ابن الملك ( إيجوس ) من عذراء ريفية حسناء قابلها في وحدة من رحلات الصيد

( ثيذيوس إيجوس )

زي ما نتوقع هوا بطل إغريقي متحمس من الشباب الي بيفتشوا عن المشاكل

بالمجهر وهذه الشخصية ذات البعد الواحد تتكرر بإفراط في الاساطير الاغريقية البطل مفتول العضلات

عاري الصدر بسيفه البتار وغضبه الجبار وبحثه الدائم عشان يرث عرش مملكة ما

ودايما يتحرك

طبقا لنبوءة

كلهم كده من ( اوديب ) ل( أخيليس ) ل( هرقل ) - ل( برسيوس ) - ل(أخيل) - ل(أوديسيوس) .

وهكذا تقول الاسطورة انه ( ثيذيوس ) أصر على أبوه في ان يرسله ل( كريت ) هذه السنة علشان يكون

ضمن المجموعة الي سوف يقوم ( المينوتور ) باكلهم هذا العام وقال: " يجب أن يعلم أهل ( أثينا ) أننا نجرع ذات

الكأس التي منها يجرعون "

بعد الحس الديموقراطي الفظيع ركب ( ثيذيوس ) السفينة مع المجموعة ووصلت السفينة ل

( كنسوس ) عاصمة ( كريت ) ونزل منها الضحايا القادمين

لكن ابنة ( مينوس ) اعجبت بـ ( ثيذيوس ) الوسيم القوي ناسية أو متناسية انه أخو قاتل اخوها

وقررت انقاذه فاعطته خيط قالتله يربطه عند بداية ( اللابيرنث ) ويدخل المتاهة فيدور على ( المينوتور )

و يقتله بسيفه بعد كده يقدر يرجع ويسترشد بطرف الخيط الي معاه و يرجع من غير ما يضيع طريقه ( يتوه زى ما بيقولوا )

أو يموت زي اللى قتلهم ( المينوتور ) هتعمله ايه تانى يعنى ^^

نجح ( ثيذيوس ) في قتل الوحش ورجع واتزوج البنت وكان الصلح بين ( اثينا ) و ( كريت )

وتعم السعادة البلاد .

[هذا تمثال لمشهد مقتل المينوتور]

أسطورة المينوتور Barye_-_Th%C3%A9s%C3%A9e_Minotaure

أسطورة المينوتور Barye_-_Th%C3%A9s%C3%A9e_Minotaure

مبدددددددددددددددددددددددددددعه

انا عجبتنى الاسطووووووووره كتير

وخصوصا انها مكتوبه بالمصرى

بجد روعــــــــــــــــــــــــــــــــه

fan10

لك كل الشكر زعيم لمرورك الرائع

monster_06

زائر

مشكووره محبوبه تسلم ايديك يالغلا

» أسطورة ميدوزا
» أسطورة التنين
» أسطورة تيمور لنك
» أسطورة جاك الوثاب
» أسطورة لاميا الأغريقيه